ಶಿಲ್ಪನೋಡಲು ತರಬೇತಿ ಬೇಕು. 'ಏರೋಪ್ಲೇನ್(Aeroplane) ನೋಡಿದ್ದೀಯೋ?' ಎಂದರೆ 'ನೋಡಿದೆ' ಎನ್ನಬಹುದು. ಆದರೆ ಅದನ್ನು ಅರ್ಥಮಾಡಿಕೊಂಡು ಮೆಕ್ಯಾನಿಸಂ(Mechanism) ಅರಿಯುವ ವಿಶೇಷ ತರಬೇತಿ ಬೇಕು. ಅಂತೆಯೇ ದೇಹವನ್ನಾಗಲೀ ದೇವಾಲಯವನ್ನಾಗಲೀ ನೋಡಲು ಆಳವಾದ ದೃಷ್ಟಿಬೇಕು. ಕಣ್ಣಿಗೆ ಬೇಕಾದ ವಿಷಯವೂ ಇದೆ. ಮೂಗಿಗೆ ಬೇಕಾದ ಒಂದು ಸುವಾಸನಾ ದ್ರವ್ಯವಾಗಿ ಭಗವದಲಂಕಾರವಾದ ಪುಷ್ಪವೂ ಇದೆ. ಭಗವಂತನ ಪ್ರಸಾದ ನಾಲಿಗೆಗೆ ಇದೆ. ಈ ಕರ್ಮಜ್ಞಾನೇಂದ್ರಿಯಗಳಿಗೆ ಬೇಕಾದ ವಿಷಯವೂ ಇದೆ. ಇದರ ಜೊತೆಗೆ ದೈವಿಕವಾದ, ಆಧ್ಯಾತ್ಮಿಕವಾದ ವಿಷಯಗಳೂ ಇವೆ. ಒಂದಕ್ಕೊಂದು ಕನ್ನೆಕ್ಷ(Connection)ನ್ನೊಡನೆ ನೋಡಿದರೆ ಪೂರ್ತಿನೋಟ. ಎಲ್ಲವನ್ನೂ ಬಿಡಿಸಿ ಬಿಡಿಸಿ ನೋಡಬೇಕು. 'ಸ್ಥಾಲೀಪುಲಾಕ ನ್ಯಾಯದಂತೆ' ನೋಡಿಬಿಟ್ಟರೆ ಆಗೋಲ್ಲ.
To know more about Astanga Yoga Vijnana Mandiram (AYVM) please visit our Official Website, Facebook and Twitter pages